|

Спомен соба на Миладиновци во Градската библиотека „Браќа Миладиновци“ во Скопје

Градоначaлникот Коце Трајановски и директорот на ЈУ Градска библиотека „Браќа Миладиновци“, Бранко Цветковски, денеска (24.10.2013 година, четврток) ја отворија за посета Спомен собата на браќата Миладиновци „Т`га за југ“, во просториите на Библиотеката „Браќа Миладиновци“-Скопје.

spomen soba miladinovci 4

- Со опремувањето и отворањето на Спомен собата на браќата Миладиновци „Т`га за југ“, ние како нивни потомци им се оддолжуваме за големиот и непроценлив придонес што тие го дадоа како просветителите и едни од главните претставници на македонската преродба. Спомен собата е адаптирана и преуредена така што ги исполнува стандардите за музејска работа, и се надевам дека ќе биде посетена од голем број граѓани и ученици. Градот Скопје континурано вложува во реновирањето и подобрувањето на условите за работа во културните институции под негова ингеренција. Минатата година го направивме покривот на библиотекава, а годинава го уредивме овој простор што доби функција на спомен соба, а со соодветно разместување на внатрешната опрема во просторијата, таа може да се користи и за поставување тематски поставки, промоции, читања и слични настани, истакна градоначалникот Трајановски.

Директорот на библиотеката „Браќа Миладиновци“, Бранко Цветковски, посочи дека спомен собата „Т`га за југ“ ќе има тројна намена, односно музејска, емотивна и едукативна, и дека веќе е во преговори со училиштата часовите по македонски јазик коишто се тематски поврзани со дејноста на браќата Миладиновци да ги држат во оваа спомен соба.

spomen soba miladinovci 8

Во оваа пригода директорот на библиотеката „Браќа Миладиновци“, Цветковски на градоначалникот Трајановски му ја подари песната „Т`га за југ“ илустрирана од ликовниот уметник Живко Поповски-Цветин.

Во ЈУ Градска библиотека „Браќа Миладиновци“ во текот на летниот период, годинава, се одвиваа градежните активности за адаптација, реновирање и опремување на дел од ентериерот во објектот на библиотеката, за да може да се формира Спомен соба на браќата Миладиновци „Т`га за југ“. За оваа цел од Буџетот на Град Скопје со програмaта КА-Културни манифстации и творештво (Капитални расходи) предвидени се средства во износ од 1.000.000 денари, додека целата инвестиција изнесува 1.650.820 денари со вклучен ДДВ, а остатокот од средствата ги обезбедува самата установа од сопствени приходи.

spomen soba miladinovci 7

Собата е лоцирана на вториот кат од библиотеката, а ќе се влегува како и досега преку влезниот хол. Градежните активности опфаќаа целосна демонтажа и отстранување и замена на постојната инсталација, електрични водови, челични носачи и слични елемнети кои се закачени за бетонските греди на објектот и нивна замена со многу полесна конструкција на плафонот. Со подготвителните работи во првата фаза се отстранија сите предходно поставени и сите дотраени, пропаднати и неупотребливи и нефункционални делови од ентериерот, со што се овозможија услови за нова ентериерна обработка која е предмет на овој проект.

Новата организација на просторот, осмислена е така што овозможува функционална надградба и поврзување со постојната библиотечна структура. За таа цел беа изработени и поставени нов под, врата, нови портали, два вида столици, а изработен е и ѕиден цртеж на браќата Миладиновци како дел од ентериерот на собата.

Прозорите кои се дел од фасадното решение на целиот објект на библиотеката не беа заменети со цел да се задржи автентичноста на просторот, но и да се избегнат директните аналогии, во современ манир е предвидено и флексибилно покривање на постојните прозорци, со транспарентни ролетни од платно, на кои ќе бидат отпечатени мотиви од прозорите на спомен куќата на браќата во родната Струга.

spomen soba miladinovci 5

spomen soba miladinovci 6

spomen soba miladinovci 9

spomen soba miladinovci 1

spomen soba miladinovci 2

spomen soba miladinovci 3

Short URL: http://cooltura.mk/?p=40206

Posted by on Oct 24 2013. Filed under Настани, Топ Вести. You can follow any responses to this entry through the RSS 2.0. You can leave a response or trackback to this entry

Leave a Reply

UA-20274170-1