|

Инсталација „Граѓани“ на Тања Балаќ

Инсталацијата „Граѓани“ на уметницата Тања Балаќ ќе биде премиерно прикажана денеска (07 ноември, четврток) во 19:00 часот, на централниот видео – скрин на плоштадот „Македонија“.

gragjani_tanja_balak

Станува збор за видео – инсталација во траење од 4,5 минути, каде авторката за прв пат дава свој поглед на општествено ангажираната уметност во јавниот простор и секако го отвора прашањето дали скринот како симбол на потрошувачкото општество и ширење на маркетиншки пораки може воедно да биде и средство за уметничко изразување.

Во неа се прикажани галерија ликови, 65 граѓани, од различна возрасна, социјална, верска, полова структура, како документ на едно време. Всушност, луѓето со кои секојдневно се сретнуваме, комуницираме, разминуваме, одбегнуваме, а за кои ништо не знаеме, или можеби немаме време да дознаеме?

Но, сепак, преку нивните ликови правиме обид да ја насетиме нивната интима и длабоки чувства, она што во последно време „најмалку не интересира“, со еден збор, да допреме до човекот.
Ова е само првиот дел од проектот „Граѓани“, како најава за останатите кои ќе се реализираат во наредниот период. Камерата е на Боро Рудиќ, асистент на камера Сергеј Сарчевски, монтажа Тоде Коцев. Проектот е реализиран со поддршка на Агенцијата ,„Media City“ од Скопје.

Short URL: http://cooltura.mk/?p=40965

Posted by on Nov 7 2013. Filed under Мултимедија, Настани, Топ Вести. You can follow any responses to this entry through the RSS 2.0. You can leave a response or trackback to this entry

Leave a Reply

UA-20274170-1