Репертоар:

Обајвена публикација „Модата и културното наследство“

Публикацијата ги документира процесот и финалните дела кои произлегоа од проектот, во чија реализација покрај партнерите, учествуваа и НУ Музеј на Македонија и Моден Викенд Скопје...

Британски совет и Факултетот за арт и дизајн при Европскиот универзитет – Република Македонија подготвија публикација, која е резултатот на проектот „Модата и културното наследство“ во чии рамки беа реализирани работилницата „Модата како уметност“ и изложбата „Свадбени приказни“. Уредници на публикацијата се Гордана Вренцоска и Жарко Конески.

- Со овие партнери споделивме заедничка цел – поддршка на потенцијалот на млади креативци, поголем интерес на модните дизајнери и општата публика за богатото културно наследство и презентација на креативната синергија помеѓу современата мода и традиционалните шари, ткаенини и облеки преку изложба наменета за широката публика. Модата, развојот на културните институции и промоција на различни креативни сектори се дел од поддршката која ја даваме во поттикнувањето и развојот на креативната економија во Македонија и светот, се наведува во соопштението од Британскиот совет.

Публикацијата, како што се посочува, не се осврува само на делата создадени од младите дизајнери. Низ примерот на посочената соработка се дава и преглед на капацитетот на креативните индустрии кои може да понудат развој, соработка, вмрежување и културен и економски напредок на едно креативно и иновативно општество.

Публикацијата е објавена електронски и може да се прегледа и зачува од: http://www.britishcouncil.mk/programmes/arts/creative-economy/fashion-an....