Репертоар:

Проекција на филмот „Јавачи на коњи“ во режија на Марјан Гавриловски

На Факултетот за ликовни уметности – Сули ан, во рамки на манифестацијата „Скопско лето“ вечер ќе има вонредна проекција на филмот „Јавачи на коњи“, во режија на Марјан Гавриловски. 

 

Првпат во Македонија, а според организаторите, специјално за „Скопско лето“, на плоштадот „Мајка Тереза“ пред платото на Македонска опера и балет вечер ќе се одржи концерт „Ладино богатство“ на Коби Ошрат (гитара и вокал), Галит Гијат (вокал), Ејал Хавив (клавијатура и хармоника) и Адам Тал (гитара, мандолина и ут) од Израел.

Коби Ошрат е композитор роден 1944-та година во Хаифа. Со богато меѓународно реноме и искуство, добитник на многу награди, тој исто така работи и како аранжер и диригент. Галит Гијат е израелска актерка и пејачка со успешна 25 годишна кариера на тв екраните, во театрите и кино салите. Адам Тал е гитарист со повеќе од 16 години искуство во свирење во живо и снимање во студио. Тој освен гитара свири, ут, бузуки, мандолина и други инструменти.Ејал Хавив е пејач и пијанист во израелскиот воен ансамбл при израелските одбрамбени сили.

Во Фоајето на Македонска опера и балет ќе биде поставена и изложба на фотографии „Мојот Ерусалим“ на Шломи Амсалем од Израел. Изложбата е во соработка со амбасадата на Државата Израел во Македонија.

 

Улогите ги толкуваат Никола Кузелов, Бобан Кулески, Долорес Поповиќ, Владимир Јаревски и Кристијан Стојановски. Влезот е слободен.