Репертоар:

Промоција на книгата „Јас. Елегии“ од Михаил Ренџов

Поетската книга „Јас. Елегии“ од Михаил Ренџов денеска напладне ќе биде промовирана во Штип. Издавач е книгоиздателството „Макавеј“ од Скопје, а организатор на промоцијата - Домот на младите во Штип. 

Оваа поетска книга на Ренџов на годинашните Струшки вечери на поезијата ја освои најпрестижната македонска поетска награда „Браќа Миладиновци“.

Беседа за поетското творештво на Михаил Ренџов и осврт кон наградената книга ќе одржи поетот и литературен критичар Бранко Цветкоски.

Михаил Ренџов е веќе меѓу доајените на македонската современа поезија, автор е на триесетина поетски книги, носител на врвни македонски и меѓународни награди и признанија, а неговите книги се преведени на дваесетина странски јазици.