Репертоар:

Промоција на „In Nomine“ од Стефан Марковски во Гевгелија

Поетската книга „In Nomine“ од Стефан Марковски ќе биде промовирана денеска, 17 март, во Гевгелија... 

Збирката содржи 41 песна и е дел од едицијата „Ѓерѓеф“ на издавачката куќа „Македонска реч“ од Скопје.

– Во „In Nomine“, Стефан Марковски не ја следи главната поетичка структура на неговата генерација, во која доминира иронијата како основна стилска фигура и светоглед на реалноста. Напротив, тој е склон кон чисто лирскиот асоцијативен тип поезија, пишува во освртот кон оваа книга рецензентот и промотор Ефтим Клетников.

Марковски во декември минатата година ја објави својата четврта поетска збирка насловена „Сиво сјаат вселените“ со која ја доби наградата „Бели мугри“ на Домот на културата „Кочо Рацин“ за необјавена поетска збирка од автор до 35-годишна возраст.