Репертоар:

Меѓународен стрип салон „ВЕЛЕС 2017“

Владимир Весовиќ и Зоран Стефановиќ од Србија специјални гости на стрип салон „Велес 2017“...

Стрип центарот на Македонија со седиште во Велес денеска  информира  дека специјални гости на овогодинешниот 15- ти Мегународен салон на стрип „Велес  2017“, што ќе се одржи во средината на септември, се  Владимир Весовиќ, професор на Школата за стрип „Ѓорѓе Лобачев“ од Белград и Зоран Стефановиќ, управител на Центарот за стрип уметност, исто така од Белград.  

Според Македонскиот стрип центар, двајцата се докажани пријатели на македонскиот стрип. Професор Весовиќ веќе беше гостин во Велес во 2004 година и придонесе многу за отворање на македонската стрип сцена кон сцени и фестивали ,пред сѐ во соседните земји.

Зоран Стефановиќ е познат стрип теоретичар и за време на одржување на салонот ќе одржи предавање на тема „Стрипот и општеството“.

Истовремено, на 20 септември завршува рокот за поднесување стрип дела по објавениот стрип конкурс на меѓународно ниво.